Kamfanin dillancin labarai na Ahlul-Baiti {A.S} - ABNA : WAA na gwamnatin kasar ta Iraki ya nakalto hukumar zaben kasar tana cewa a yau Alhamis ta kawo karshen sake kirga kuri’un da aka kada a mazabun da aka gabatar da korafi a kansu, a gaban wadanda suka yi korafi ko wakilansu, ko wakilan jam'iyunsu. Har'ila yau hukumar zaben ta ce sakamakon sake kirgen ya yi dai 100% da na na’urorin komfuta wanda hukumar ta bayar bayan an kammala zaben na watan jiya.
Kafin haka dai wasu ‘yan takara sun yi korafin an yi masu magudi, kuma dole ne hukumar zaben ta sake kirgen kuri’u a mazabunsu da hannu ido na ganin ido. An gudanar da zaben majalisar dokokin kasar Iraki ne a cikin watan octoban da ya gabata ta hanyar amfani da na’urorin komfuta a karon farko a kasar.
342/
